Ўзбекистон, Тошкент - Batafsil.uz. Финтех платформа ва унинг асосий инвестори Максим Полетаев Ўзбекистон Миллий Банки (NBU) билан шартномавий низо юзасидан юридик баҳс бошланди. Томонлар ўртасидаги бизнес алоқалари узилганидан сўнг, инвестор ва унинг ҳамкорларига банк вакиллари томонидан таҳдидлар қилингани даъво қилинмоқда.
Solfy томонини халқаро миқёсда таниқли бўлган Amsterdam & Partners LLP юридик фирмаси ҳимоя қилади. Компаниянинг таъсисчиси Роберт Амстердам маҳаллий юридик жамоа билан ҳамкорликда халқаро адвокат сифатида ишга жалб қилинган.
Ижтимоий тармоқларда тарқалган маълумотларга кўра, мазкур низо Миллий банк ва Solfy ўртасидаги содиқлик дастурини йўлга қўйиш бўйича ҳамкорлик лойиҳаси барбод бўлганидан кейин юзага келгани айтилмоқда.
Solfy платформаси банклар билан биргаликда муддатли тўлов хизматларини тақдим этишга ихтисослашган. Ҳозирги кунда платформа ўз фаолиятини "Sabzi" номи остида давом эттирмоқда.
Юқоридаги маълумотлар ҳали ўз тасдиғини топгани йўқ ва ҳолат юзасидан Марказий Банк расмий муносабат билдирмаган.
Изоҳлар мавжуд емас