Ўзбекистон, Тошкент - Batafsil.uz. Ўзбекистон суд тизимида сунъий интеллект технологияларини жорий этиш орқали кенг кўламли рақамлаштириш ва ислоҳотлар жараёни бошланади. Президент фармони билан судлар фаолиятининг тўлиқ электрон шаклига ўтиш бўйича устувор мақсадлар тасдиқланди.
Адлия вазирлиги хабарига кўра, "Рақамли суд" концепцияси доирасида қоғоз ҳужжат айланишидан тўлиқ воз кечиш босқичма-босқич амалга оширилади. Бунинг учун зарур техник инфратузилма яратилади ва Олий суд ахборот тизимлари базасида суд ҳужжатлари архиви модули ишлаб чиқилади.
Асосий янгиликларга қуйидагилар киради:
даъво қўзғатилгунга қадар суд муҳокамаси натижаларини олдиндан прогноз қилиш ва сунъий интеллект ёрдамида харажатларни ҳисоблаш;
мурожаатларни беришнинг электрон форматига тўлиқ ўтиш;
суд ҳужжатлари лойиҳаларини автоматик тарзда шакллантириш.
Шунингдек, киберҳуқуқ соҳасида илмий тадқиқотлар олиб бориш, судьялар ва суд аппарати ходимларининг рақамли саводхонлигини доимий ошириб бориш кўзда тутилган.
Аввалроқ Ўзбекистонда қонунлар, президент фармонлари ва ҳукумат қарорлари ижроси устидан назорат кучайтирилиши ҳақида хабар берилганди. Бунинг учун давлат органлари раҳбарларининг шахсий масъулияти оширилади, шунингдек, мониторинг тизимида сунъий интеллект ишга туширилади.
Изоҳлар мавжуд емас