Ўзбекистон, Тошкент - Batafsil.uz. АҚШ Президенти Дональд Трамп педофилияда айбланган Жеффри Эпштейн билан алоқани биринчи бўлиб узганини даъво қилмоқда, бироқ Адлия вазирлиги эълон қилган ҳужжатлар унинг бу молиячи билан камида 8 марта шахсий самолётда учганини тасдиқлади.
Дональд Трамп Truth Social тармоғида ўзини Эпштейн билан алоқани "ҳали бу мода бўлмасдан олдин" биринчи бўлиб узган ягона шахс деб атади. Шу билан бирга, у Адлия вазирлигини (DOJ) Демократлар билан боғлиқ файлларни тўлиқ очиқлашга ва "уларни шарманда қилишга" чақирган. Президентнинг сўзларига кўра, Эпштейн иши — Демократлар томонидан уюштирилган "уйдирма".
Очиқланган янги архив материалларига кўра Трамп 1993–1996 йиллар оралиғида Эпштейннинг шахсий самолётида камида 8 марта йўловчи бўлган.
Аввалроқ у илгари Эпштейннинг шахсий самолётида ёки унинг "аҳмоқона»"оролида ҳеч қачон бўлмаганини таъкидлаган эди. Бироқ янги ҳужжатлар буни инкор этмоқда.
Бу рейсларнинг камида тўрттасида Эпштейннинг ёрдамчиси Гислейн Максвелл ҳам иштирок этган.
FBI ҳужжатларида Трамп ва Эпштейн томонидан зўрланганини даъво қилган аёлнинг 2020 йилги қўнғироғи расшифровкаси пайдо бўлган. Бироқ Адлия вазирлиги бу айбловларни "асоссиз ва сайловолди кампанияси учун ишлатилган сенсация" деб баҳолаган.
Эпштейн ишига доир файлларда нафақат Трамп, балки Билл Клинтон, Эхуд Барак, Эл Гор, Майкл Жексон ва Кевин Спейси каби ўнлаб машҳур шахсларнинг номлари ва фотосуратлари фигура қилади. Клинтон вакиллари собиқ президент Эпштейн билан учрашганини тан олса-да, унинг жиноятларидан бехабар бўлганини таъкидламоқда.
Ҳозирда АҚШ Адлия вазирлиги 1 миллион саҳифадан ортиқ янги ҳужжатларни ўрганишда давом этмоқда. Жами 30 000 саҳифалик архивнинг катта қисми ҳали ҳам махфий сақланмоқда.
Июн ойида Илон Маск ва Дональд Трамп ўртасидаги можарода ҳам ушбу иш бўйича баҳслар ўртага чиққан эди.
Изоҳлар мавжуд емас