Ўзбекистон, Тошкент - Batafsil.uz. Кеча, 25 декабрь куни, Макка шаҳридаги муқаддас Масжидул Ҳаром мажмуасида бир эркак юқори қаватдан ўзини ташлаш орқали ўз жонига қасд қилишга уринган. Воқеада икки киши жароҳатланган.
Воқеа содир бўлаётган пайти Хавфсизлик кучлари вазиятни назоратга олиш ва зиёратчилар хавфсизлигини таъминлаш учун зудлик билан ҳаракат қилган.
Эркакнинг йиқилишини олдини олишга уринган хавфсизлик ходими жароҳат олган.
Ўз жонига қасд қилмоқчи бўлган шахс ҳам, жароҳатланган зобит ҳам зудлик билан шифохонага етказилган.
Макка минтақаси расмийлари ҳолат юзасидан барча маъмурий ва ҳуқуқий тартиб-таомиллар якунланганини маълум қилди. Ҳозирча ушбу шахснинг шахси ёки соғлиғи ҳолати ҳақида қўшимча маълумот берилмади.
Масжидул Ҳаром дунёдаги энг қаттиқ қўриқланадиган масканлардан бири бўлиб, у ерда махсус бўлинмалар сутка давомида мониторинг олиб боради. Шунга қарамай, аввалги йилларда ҳам шунга ўхшаш ҳолатлар кузатилган.
Хусусан, 2017 йилда бир шахс Каъба яқинида ўзига ўт қўймоқчи бўлганида тўхтатиб қолинган.
2018 ва 2024 йилларда эса юқори қаватлардан сакраш билан боғлиқ бир нечта ҳолатлар қайд этилган.
Шу сабабли, Саудия Арабистони ҳукумати зиёратчиларнинг хавфсизлигини таъминлаш мақсадида масжиднинг юқори қаватларида қўшимча тўсиқлар ва хавфсизлик чораларини кучайтириб бормоқда.
Эслатиб ўтамиз, Саудия Арабистони Ҳаж ва Умра ишлари вазирлиги 2026 йилги Ҳаж мавсумида ҳар бир зиёратчи "Nusuk" платформаси орқали олинган "тиббий соғломлик тўғрисидаги гувоҳнома"га эга бўлиши шартлигини маълум қилганди. Ушбу ҳужжат Ҳаж визасини олиш учун мажбурий ҳисобланади.
Изоҳлар мавжуд емас