Ўзбекистон, Тошкент - Batafsil.uz. Афғонистон ҳудудида интернет алоқаси қисман тикланди, деб хабар бермоқда NetBlocks халқаро тармоқларни мониторинг қилиш хизмати.
Ташкилот баёнотида айтилишича, тезкор тармоқ маълумотлари уланиш қисман тикланганини кўрсатмоқда.
Аввалроқ Amu TV телеканали манбаларга таяниб, Кобул аэропорти интернет узилиши сабабли барча рейсларни бекор қилишга мажбур бўлгани ҳақида хабар берган эди. ОАВ маълумотларига кўра, ҳаво порти ходимлари расмийларнинг оптик толали тармоқларга киришни тўхтатиш қарори ҳақида олдиндан огоҳлантирилмаган.
Khaama Press агентлигининг аниқлик киритишича, ҳодиса туфайли юзлаб йўловчилар Афғонистонга учиш имкониятини кутиб, Дубай аэропортида қолиб кетган.
Аввалроқ, Афғонистонда Толибон камида ўнта вилоятда интернетга киришни чеклаб қўйганди, бу эса аллақачон паспорт хизматлари, божхона ва банклар ишини тўхтатиб қўйган.
Изоҳлар мавжуд емас