Ўзбекистон, Тошкент - Batafsil.uz. Россия Президенти Владимир Путин тожикистонлик Қобилжоннинг ўлими билан боғлиқ фожиани кескин қоралаб, уни болаларга нисбатан содир этилган "жирканч террорчилик ҳаракати"га тенглаштирган.
Санкт-Петербург шаҳрида Тожикистон Президенти Эмомали Раҳмон билан ўтказилган икки томонлама учрашув чоғида Путин бу масалага алоҳида тўхталган.
Президент болаларга нисбатан содир этилган бундай ҳаракатни оддий қотиллик эмас, балки алоҳида даражадаги "жирканч теракт" деб атаган.
"Мен бу жиноятдан шунчаки шокдаман. Бундай воқеалар инсоний тушунчалар чегарасидан чиқиб кетади", — дея таъкидлаган Россия раҳбари.
У тергов ишлари албатта охиригача етказилишини ва айбдорлар қонун доирасида максимал даражада жазоланишини ваъда қилган.
Бу гаплар бир неча кун олдин Россияда ҳалок бўлган тожикистонлик боланинг ўлими юзасидан билдирилди.
Путин Эмомали Раҳмондан боланинг оиласига ўз таъзиясини етказишни сўраган.
Эмомали Раҳмон эса ўз навбатида ушбу масалага шахсан эътибор қаратгани учун Путинга миннатдорлик билдирган.
Изоҳлар мавжуд емас