Ўзбекистон, Тошкент - Batafsil.uz. АҚШ президенти Дональд Трамп Россия президенти Владимир Путин билан Будапештда режалаштирилган учрашув ўтказилмаслигини маълум қилди. У бу қарорни Украина билан можарони тўхтатиш бўйича музокараларда олдинга силжиш йўқлиги билан изоҳлади.
Бу ҳақда Америка раҳбари Овал кабинетдаги матбуот анжуманида маълум қилди.
"Биз президент Путин билан учрашувни бекор қилдик. Менга бу нотўғри туюлди. Керакли натижага эришишимизни ҳис қилмагандим, шунинг учун уни бекор қилдим. Аммо келажакда биз буни амалга оширамиз", - деди Америка президенти.
Венгрия пойтахтидаги учрашув 16 октябрь куни президентларнинг телефон орқали мулоқоти чоғида келишилган эди. Ўшанда томонлар саммит яқин икки ҳафта ичида ўтказилиши мумкинлигини тахмин қилганди.
Бир кун аввал Оқ уй президентлар учрашуви "яқин келажакда режалаштирилмагани" ҳақида хабар берган эди. Трампнинг ўзи "фойдасиз учрашув"ни истамаслигини таъкидлади.
Трамп ва Путиннинг сўнгги учрашуви 15 август куни Аляскадаги Анкорижда бўлиб ўтган ва аниқ келишувларсиз якунланганди.
Изоҳлар мавжуд емас