Ўзбекистон, Тошкент - Batafsil.uz. Японияда тарихда биринчи марта аёл киши бош вазир бўлади. Ҳукмрон Либерал-демократик партия (ЛДП) етакчиси этиб консерватив қарашларга эга сиёсатчи Санаэ Такаити сайланди, у партия ичидаги сайловларнинг иккинчи босқичида ғалаба қозонди.
The Japan Times маълумотига кўра, ЛДПда овоз бериш жараёни икки босқичда ўтди, сабаби — биринчи босқичда бирорта номзод ҳам етарли миқдорда овоз тўплай олмаган.
Ҳал қилувчи турда Такаити 185 та овоз олди ва 156 нафар партия аъзоси овоз берган қишлоқ хўжалиги вазири Синдзиро Коидзумидан ўзиб кетди.
Такаити мамлакатнинг энг йирик консерватив — Ниппон Кайг ташкилотининг фаол аъзоси ҳисобланади. Шу билан бирга, у синто маъбадларини тиклаш ва маънавий-ахлоқий тарбия ғояларини тарғиб этувчи парламент конференцияси раисининг ўринбосари лавозимини ҳам эгаллаб келмоқда.
Япония бош вазирлигида Сигэру Исибуни янги раҳбар алмаштиради. Исибу сентябрь ойи бошида парламент сайловларидаги мағлубият ортидан истеъфога чиққан эди. Ушбу натижа ҳукумат коалициясини икки палатадаги кўпчиликдан маҳрум этди ва ЛДП учун катта сиёсий зарба бўлди.
Изоҳлар мавжуд емас