Ўзбекистон, Тошкент - Batafsil.uz. Япониянинг Гумма префектурасида юз берган йирик йўл-транспорт ҳодисаси натижасида 2 киши ҳалок бўлди, камида 26 киши турли даражадаги жароҳатлар олган.
Кеча, 26 декабрь куни "Канецу" тезюрар магистралида кучли қор ёғиши ва музлама оқибатида 57 та автомобиль иштирокида занжирли тўқнашув содир бўлган. NHK телеканалининг хабар беришича, ҳалокат дастлаб иккита юк машинасининг урилишидан бошланган.
Тўқнашувдан сўнг кучли ёнғин келиб чиққан. Олов тез тарқалиши натижасида 10 дан ортиқ транспорт воситаси, жумладан, енгил ва юк машиналари бутунлай ёниб кетган. Воқеа жойига етиб келган ўт ўчириш гуруҳлари бир неча соат давомида ёнғинни бартараф этиш билан шуғулланишган.
Магистрал йўлнинг мазкур қисми иккала йўналишда ҳам ҳаракат учун ёпиб қўйилган. Жароҳатланганлар яқин атрофдаги шифохоналарга етказилган. Расмийлар ноқулай об-ҳаво шароитида ҳайдовчиларни эҳтиёткорликка чақирмоқда.
Эслатиб ўтамиз, яқинда Фарғонада ҳам одам ўлими билан боғлиқ ЙТҲ содир бўлганди.
Изоҳлар мавжуд емас