Ўзбекистон, Тошкент - Batafsil.uz. Ғазодаги аёлларнинг таъкидлашича, баъзи маҳаллий эркаклар, жумладан, БМТ БАПОР билан ишлайдиган ташкилотлар ходимлари ўз мавқеини суиистеъмол қилиб, жинсий алоқа эвазига озиқ-овқат, пул ёки иш таклиф қилган.
Бу ҳақда жабрланганлар Associated Press агентлигига маълум қилди. Уларнинг сўзларига кўра, таклифлар тўғридан-тўғри - "мен сени ушлаб кўрай" ва яширинча - "мен уйланмоқчиман" каби янграган.
Бир аёлнинг айтишича, гуманитар ташкилотларга алоқадор эркаклардан бири унга иш ваъда қилган, бироқ офис ўрнига бўш квартирага олиб бориб, жинсий алоқа қилишга мажбурлаган. Шундан сўнг унга озгина пул ва озиқ-овқат бериб, кейинчалик BAPOR орқали ишга жойлаштирган. Аёл унга ишонмасликларидан қўрқиб, ҳеч кимга шикоят қилмади.
Психологларнинг таъкидлашича, Ғазодаги аёллар уруш ва қамал туфайли айниқса заиф бўлиб қолмоқда ва кўпинча ёрдам эвазига жинсий эксплуатация қурбони бўлмоқда. Халқаро гуманитар ташкилотларни мувофиқлаштирувчи ПСЕА тармоғи маълумотларига кўра, ўтган йилнинг ўзида 18 та расмий шикоят келиб тушган ва бир қатор ҳолларда бундай муносабатлар ҳомиладорликка олиб келган.
Хотин-қизлар ҳуқуқларини ҳимоя қилиш билан шуғулланувчи ташкилотлар таъкидлашича: муаммо оммавий характерга эга, бироқ у ҳақда жамоатчиликка камдан-кам ҳолларда хабар берилади. Ғазодаги консерватив жамиятда никоҳсиз жинсий алоқа оғир жиноят ҳисобланади, бу эса мавзуни янада тақиқланган ҳолатга айлантиради.
Эслатиб ўтамизки, дунёдаги ҳар учинчи аёл ҳаётида ҳеч бўлмаганда бир марта жинсий зўравонликка учрайди. БМТ Бош Ассамблеяси раиси Анналена Бербок Хотин-қизлар ҳуқуқлари бўйича Пекин декларациясининг 30 йиллигига бағишланган йиғилишда шундай маълумотларни келтирди.
Изоҳлар мавжуд емас