Ўзбекистон, Тошкент - Batafsil.uz. 2025 йил якунларига кўра, мамлакатда жами 457 883 дона енгил автомобиль ишлаб чиқарилган. Бу кўрсаткич ўтган йилга нисбатан қарийб 29 мингтага кўпдир.
Миллий статистика агентлигининг дастлабки маълумотларига кўра, Ўзбекистон автомобилсозлик бозорида ўсиш суръатлари давом этмоқда. Ишлаб чиқарилган жами транспорт воситаларининг асосий қисми маҳаллий брендлар ҳиссасига тўғри келса-да, бозорда хорижий ва гибрид моделларининг ҳам салмоғи ортиб бораётгани кузатилмоқда.
Энг кўп ишлаб чиқарилган моделлар рейтингида Cobalt ва Damas анъанавий равишда юқори поғоналарни банд этган. Шу билан бирга, янги авлод кроссоверлари ва электромобиллар ҳам сезиларли натижа қайд этган:
-
Cobalt - 161 152
-
Damas - 93 681
-
Tracker - 50 362
-
Onix - 33 122
-
KIA - 26 317
-
BYD - 20 200
-
Chery / Haval - 18 698
-
Maxсус енгил автомобиллар – 54 301 дона.
Рўйхатда BYD электромобилларининг 20 мингтадан ошгани бозор диверсификация бўлаётганидан далолат беради.
Эслатиб ўтамиз, UzAuto Motors компанияси Cobalt модели учун янги модификациялар — Cobalt Style MCM ва Cobalt Midnight MCM вариантларини ишлаб чиқаришни бошлаганди. Бу компаниянинг модель қаторини кенгайтириш дастури доирасида амалга оширилган эди.
Изоҳлар мавжуд емас