Ўзбекистон, Тошкент - Batafsil.uz. Ўзбекистонда 17 октябрь ҳолатига кўра, Марказий банкнинг маълумотига кўра, 1 грамм олтин 1,76 миллион сўмга баҳоланмоқда — бу кечаги нархга нисбатан 3,7 фоизга қимматроқ.
Энг харидоргир — оғирлиги 5 грамм бўлган қимматбаҳо металл қуймаси учун 8,8 миллион сўм тўлаш талаб этилади. Шу тариқа, 5 граммлик олтин қуйма бир кунда 318 минг сўмга қимматлашди.
Ички бозордаги қимматбаҳо металл нархи йил бошидан бери 44-марта рекорд даражада янгиланди. Жорий йилнинг январь ойидан буён олтин нархи 55,45 фоизга, сўнгги бир йил мобайнида эса 55,06 фоизга ошган.
Экспертлар фикрича, қимматбаҳо металлга бўлган талабнинг кескин ортишига АҚШ ва Хитой ўртасидаги савдо зиддиятларининг кучайиши ҳамда октябрь ойи бошидан бери давом этаётган АҚШ ҳукуматидаги шатдаун сабаб бўлмоқда. Бу эса глобал инвесторларни хавфсизликни таъминловчи активлар — жумладан, олтинга юз тутишга ундаётгани таъкидланмоқда.
Изоҳлар мавжуд емас