Ўзбекистон, Тошкент - Batafsil.uz. Ўзбекистонда ўлчовли олтин қуймалари нархи йил бошидан буён 34-маротаба навбатдаги тарихий максимумни янгилади. 5 граммлик қуйма 7,7 миллион сўмдан таклиф этилмоқда — бу олдинги иш кунига нисбатан 0,6 фоизга қимматроқ.
Марказий банк маълумотларига кўра, январь ойидан буён мамлакатда олтин нархи 36,7 фоизга, йиллик ҳисобда эса қарийб 38 фоизга ошган.
Олтин нархларининг ошиши дунё бозорида қимматбаҳо металлларга талаб кескин ортиши билан изоҳланмоқда. Бундай тенденция, одатда, иқтисодий ва сиёсий беқарорлик даврларида кузатилади. Шу пайтда АҚШда федерал ҳукуматнинг фаолиятини тўхтатган «шатдаун» вазиятини янада кескинлаштирди.
Ўзбекистон Марказий банки олтин тангаларни 2018 йилда, қуймаларни эса 2020 йилдан сотишни бошлаган. Ушбу воситалар аҳолига жамғармаларини диверсификация қилиш ва хорижий валютага қарамликни камайтириш имконини беради.
Эслатиб ўтамиз, 2024 йилда 5 граммлик қуйма 5,8 миллион сўм, 10 граммлик - 11,6 миллион, 20 граммлик - 22,2 миллион, 50 граммлик - 58,1 миллион сўм бўлган. Бугунги нархлар чоракдан кўпроққа ошди, бу эса жамғарма воситаси сифатида олтинга бўлган қизиқишнинг барқарор ўсишини тасдиқлайди.
Изоҳлар мавжуд емас