Ўзбекистон, Тошкент – Batafsil.uz. "Евроосиё банки" Ўзбекистон бозорига келмоқда. Бу Қозоғистондан мамлакатимизда филиал очадиган иккинчи банк бўлади. Бу ҳақда мухбиримиз хабар бермоқда.
Ўзбекистон Марказий банки “Евроосиё банки”ни Тошкентда рўйхатдан ўтказиш ва унга банк фаолиятини амалга ошириш ҳуқуқини берувчи лицензия бериш тўғрисида қарор қабул қилган.
Бу қўшни мамлакатдан республикамиз ҳудудида филиал очадиган иккинчи банк ҳисобланади. 2019 йилдан буён Ўзбекистонда Қозоғистон Халқ банкининг шўъбаси “Tenge Bank” фаолият кўрсатмоқда.
"Евроосиё банки" активлари бўйича Қозоғистоннинг энг йирик ўнта банки қаторига киради. Бош офис Олмаотада жойлашган. Молия ташкилотининг Қозоғистон ҳудудида 19 та минтақавий филиали ва 119 та ҳисоб-китоб касса бўлинмалари мавжуд.
Таъкидлаш керакки, банк акцияларининг 100 фоизи "Евроосиё молия компанияси" АЖга тегишли бўлиб, унинг якуний бенефициарлари Иброҳимовлар оиласи (Forbes Kazakhstanнинг энг бой бизнесменлари рейтингида 8 –ўрин) - 33,3 %, тадбиркор Александр Машкевич - 33,3 % ва келиб чиқиши ўзбекистонлик бўлган тадбиркор Патох Шодиев - 33,3 %.
Изоҳлар мавжуд емас