Ўзбекистон, Тошкент - Batafsil.uz. 2026 йил 1 мартдан бошлаб икки мингга яқин рецепт бўйича бериладиган дори воситаларининг чакана нархлари пасайтирилди. Фармацевтика тармоғини ривожлантириш агентлигининг таъкидлашича: дори воситаларини харид қилишда нархни pharm.gov.uz портали ёки PharmUz мобил иловаси орқали референт нархлар билан солиштириш лозим.
Агар дори белгиланган нархдан қимматга сотилса, фуқаролар иловадаги "Шикоятлар" бўлими орқали мурожаат йўллаши мумкин.
Қайд этилишича, бундай мурожаатлар нафақат истеъмолчилар ҳуқуқларини ҳимоя қилишга, балки дори-дармонлар нархини сунъий равишда оширадиган дорихоналар ва компанияларни аниқлашга ёрдам беради.
Ўз навбатида, дорихоналарга референт нархларга қатъий риоя қилиш буюрилган. Қоидаларни бузиш лицензияни бекор қилишга олиб келиши мумкин.
Ушбу чора-тадбирлар бозорнинг шаффофлигини ва дори-дармонларнинг мавжудлигини оширишга қаратилган.
Изоҳлар мавжуд емас