Ўзбекистон, Тошкент - Batafsil.uz. Концепцияда белгиланган прогнозларга кўра, миграция сиёсати, хусусан, ноқонуний мигрантлар ва чет эл фуқаролари ўртасидаги жиноятлар сонининг камайишига олиб келиши кутилмоқда. Янги ҳужжат 2018-йилдан бери амал қилиб келаётган сиёсат ўрнини эгаллайди.
Қонунда Россияга ишлаш учун кетаётган муҳожирлар сонининг ўсиши 2030 йилгача давом этиши, бу хорижлик ишчиларга бўлган эҳтиёж билан боғлиқ экани айтилади. Бундан ташқари, ҳужжатда қайд этилишича, миллий хавфсизлигига янги таҳдидларнинг пайдо бўлиши миграция сиёсатини такомиллаштиришни тақозо этган. Россия миграция сиёсати билан боғлиқ масалаларда иш берувчи масъулиятини оширишга қаратилган чораларни кўриши керак, дейилган.
Ҳужжатда яна бир муҳим нуқта — этник анклавларнинг шаклланиши ва мигрантларнинг жамиятдан ажралиб қолишига қарши кураш. Шу мақсадда Россия ҳукумати миграция назоратини кучайтириш учун ахборот технологиялари ҳамда биометрик тизимларни кенг жорий этади.
Янги концепция тўққиз бўлим ва 46 банддан иборат бўлиб, унда Россия қадриятларини ҳурмат қилувчи, тилни ўрганишга ва жамиятга мослашишга тайёр муҳожирларга устуворлик берилади.
Бундан олдин Давлат Думаси раиси Вячеслав Володин 2025-йил 5-февралдан ноқонуний мигрантлар реестри иш бошлаганидан буён миграция қонунчилигини бузган 35 мингга яқин одам Россиядан депортация қилинганини маълум қилган эди.
Шу билан бирга, унинг аниқлик киритишича, Россияда ноқонуний яшаётган мигрантлар маълумотлар базасида (назорат қилинадиган шахслар реестри) 1-сентябрь ҳолатига кўра 770 минг киши бор, уларнинг учдан бир қисми аёллар ва болалардир.
Изоҳлар мавжуд емас