Ўзбекистон, Тошкент - Batafsil.uz. 2025 йил якунига кўра, Ўзбекистон суд тизимида 59 нафар судья лавозимидан озод этилди. Улардан уч нафари коррупцияга оид жиноятлари учун судланган. Бу ҳақда мухбиримиз хабар бермоқда.
Олий суд раисининг биринчи ўринбосари Алишер Усмонов матбуот анжуманида маълум қилганидек, уч нафар судья адолатсиз қарор чиқаргани учун эмас, айнан пора олгани учун жиноий жавобгарликка тортилган. Ҳозирда улар жазо муддатини ўтамоқда.
Қолган 56 нафар судьядан 6 нафари Одоб-ахлоқ кодексини бузганлиги, 10 нафари одил судловни амалга оширишда қонунийликни бузганлиги, 1 нафари судьялик шаънига путур етказувчи мансабдорлик жиноятини содир этганлиги учун лавозимидан озод этилди. Яна 35 нафар судья ўз аризасига асосан лавозимидан четлаштирилган, 4 нафар судьянинг вафоти сабабли ваколати тугатилган.
Аввалроқ ДХХ ва Иқтисодий жиноятларга қарши курашиш департаменти ходимлари Поп туманидаги маҳаллалардан бирида ҳоким ёрдамчисини қўлга олганди. Амалдор ер участкасини ажратишда ноқонуний ёрдам бериш эвазига катта миқдорда пул олганликда гумон қилинмоқда.
Изоҳлар мавжуд емас