Ўзбекистон, Тошкент – Batafsil.uz. Ўзбекистонда 1 июндан бошлаб йўл ҳаракати қоидаларини бузганлик учун жарима балларини ҳисоблаш тизими расман ишга туширилди. Янгилик ҳайдовчиларнинг интизомини ошириш ва жиддий ЙТҲлар сонини камайтиришга қаратилган. Баллар сони ва уларни ҳисоблаш асосларини онлайн кузатиш мумкин.
Бепул хизмат ягона интерактив давлат хизматлари порталида мавжуд. Уни олиш учун ҳеч қандай ҳужжат талаб қилинмайди.
Хизмат тўпланган баллар сонини, қарор санасини, унинг рақамини, шунингдек, қоидабузарлик қайд этилган кодекснинг моддаси ва бандини кўрсатади.
Эслатиб ўтамизки, энди ҳар бир қоидабузарлик қилмишнинг оғирлик даражасига қараб баллар қўшиб ҳисобланади. Масалан, тезликни соатига 60 километрдан оширгани, қарама-қарши йўналишга чиққани ёки ЙТҲ жойини тарк этгани учун ҳайдовчига икки балл берилади. Бир йил давомида 12 ва ундан ортиқ балл тўпланганда ҳайдовчилик гувоҳномаси камида олти ойга бекор қилинади.
Изоҳлар мавжуд емас