Ўзбекистон, Тошкент – Batafsil.uz. Ўзбекистон бош консуллиги вакиллари Россиянинг шимолий пойтахтидаги "Жанубий" миграция маркази фаолияти билан танишиб чиқишган. Шунингдек, улар икки томонлама ҳамкорликни мустаҳкамлаш ва мамлакатимиз фуқароларига хизмат кўрсатишни янада яхшилаш масалаларини муҳокама қилишган. Бу ҳақда мухбиримиз хабар бермоқда.
"Дунё" маълумотларига кўра, дипломатлар патентлар бериш, рўйхатдан ўтказиш, тиббий тестлар ва рус тилидан имтиҳонлардан ўтиш тартиби, шунингдек чет эл фуқароларига кўрсатиладиган хизматлар билан танишишган.
Шунингдек, уларга "Забота" мобил иловасининг имкониятлари намойиш этилган. Марказ дастурчилари уни мигрантларга ёрдам бериш ва турли хил фирибгар схемаларнинг олдини олиш учун яратишган.
Дипломатларга 2021 йилда "Ишчи мигрант"электрон банк картаси ишга туширилгани ҳақида хабар берилган. 2023 йил январ ойида чет эл фуқароларига ушбу карталарнинг 100 мингтаси берилган.
Марказ раҳбарияти билан биргаликда Ўзбекистон вакиллари икки томонлама ҳамкорликни мустаҳкамлаш, мамлакатимиз фуқароларига хизмат кўрсатишни янада такомиллаштириш, қабул қилинган мурожаатларни тезкор ҳал этиш масалаларини муҳокама қилишган.
Эслатиб ўтамизки, яқинда Халқаро миграция ташкилотининг Тошкентдаги миссияси Ўзбекистон ва мезбон давлатлар учун миграциянинг асосий хавф-хатарларини ошкор қилган.
Изоҳлар мавжуд емас