Ўзбекистон, Тошкент – Batafsil.uz. 1 июндан бошлаб Баҳрайн, Қувайт ва Ўмон Султонлиги фуқаролари Ўзбекистонга визасиз киришлари ва мамлакатда 30 кунгача қолишлари мумкин бўлади. Бу туризмни ривожлантириш ва хорижий меҳмонлар сонини кескин оширишга қаратилган президентнинг янги фармонида кўзда тутилган.
Адлия вазирлиги хабарига кўра, 2025 йил охирига қадар Ўзбекистон 15,8 миллион хорижий сайёҳни қабул қилишни режалаштирмоқда. Бунда туризм хизматлари экспорти 4 миллиард долларга етказилиши мўлжалланган.
Ички туризм ҳам ривожлантирилади - расмийлар фуқароларнинг мамлакат бўйлаб саёҳатлари сонини 40 миллионга етказиш ниятида. Бунинг учун 378 та янги туроператор очиш режалаштирилган.
Изоҳлар мавжуд емас