Ўзбекистон, Тошкент - Batafsil.uz. Кўп қаватли уйларда яшовчиларнинг фикрича, йўлакларни бошқарув компаниялари ходимлари тозалаши керак. Қурилиш ва уй-жой коммунал хўжалиги вазирлиги матбуот хизмати квартира тўлови тозалаш дегани эмаслигини тушунтириб, ҳар бир уйдан олинадиган 3-4 миллионга ҳеч ким йўлакларни ювмаслигини қўшимча қилди.
Йўлакларни тозалаш фақат қўшимча ҳақ тўлаш шарти билан бошқарув компаниялари (БК) ва уй-жой мулкдорлари ширкатлари (УМШ) хизматлари рўйхатига киритилиши мумкин. Бунинг учун ташаббусни умумий йиғилишда хонадон эгаларининг 51 фоизи қўллаб-қувватлаши керак.
Одатда тозалаш БК ва ХУМШнинг мажбурияти ҳисобланмайди. Мутасаддиларнинг ҳисоб-китобига кўра, 48 хонадонга эга тўрт қаватли уйнинг бир ойлик даромади тахминан 3-4 миллион сўмни ташкил этади. Ушбу маблағлар уйни тегишли ҳолатда сақлаш: аварияларнинг олдини олиш ёки бартараф этиш, муҳандислик тармоқларини куз-қиш мавсумига тайёрлаш, шунингдек, уй атрофидаги ҳудудларни дезинфекция қилиш ва ободонлаштириш ҳамда бошқа харажатларга йўналтирилади.
Шунинг учун Қурилиш вазирлиги масъулият билан бу маблағлар ҳафталик тозалаш ишлари учун фаррошлар меҳнатига тўлаш учун етарли эмаслигини таъкидлади.
"Сизнинг хоҳиш-истакларингиз молиявий имкониятларга мос келиши керак",- - дея хулоса қилди вазирлик.
Аввалроқ Қурилиш ва уй-жой коммунал хўжалиги вазирлиги вакиллари Ўзбекистонда баландлиги беш қаватгача бўлган турар-жой биноларига лифт ўрнатиш бўйича дастур ишлаб чиқилаётганини маълум қилганди.
Изоҳлар мавжуд емас