Ўзбекистон, Тошкент – Batafsil.uz. Лихтенштейн Князлиги Ўзбекистон билан дипломатик муносабатлар ўрнатган 146-мамлакат бўлди. Бу ҳақда “Дунё”га таянган ҳолда мухбиримиз хабар бермоқда.
Ню-Йоркда 5 март куни Ўзбекистон ва Лихтенштейн дипломатик муносабатлар ўрнатиш тўғрисида қўшма коммюнике имзолашган.
Икки мамлакат ҳукуматлари номидан ҳужжатни Ўзбекистоннинг БМТдаги доимий вакили Улуғбек Лапасов ва Лихтенштейн Князлигининг БМТдаги доимий вакили Кристиан Венавейзер имзолаган.
Томонлар халқаро ташкилотлар, шу жумладан БМТ ва унинг ихтисослаштирилган муассасалари доирасида қўшма ҳамкорликни мустаҳкамлашга ўзаро тайёр эканликларини билдиришган.
Шунингдек, улар икки томонлама алоқаларни фаоллаштириш ва сиёсий, савдо-иқтисодий ва маданий-гуманитар соҳаларда ҳамкорликнинг ўзаро манфаатли йўналишларини излашга келишиб олишган.
Эслатиб ўтамизки, жорий йилнинг январь ойида Кампала шаҳрида Ўзбекистон ва Уганда ўртасида дипломатик муносабатлар ўрнатиш тўғрисида қўшма коммюнике имзоланган эди. Мамлакат давлатимизнинг 145-халқаро ҳамкорига айланган.
Изоҳлар мавжуд емас