Ўзбекистон, Тошкент - Batafsil.uz. Туркияда аввалроқ Измирда деразадан тушиб кетган 22 ёшли Ўзбекистон фуқароси вафот этди. У оғир жароҳатлар билан шифохонада бўлган.
Ўзбекистоннинг Истанбул шаҳридаги Бош консулхонасидан маълум қилишларича, шифокорларнинг барча саъй-ҳаракатлари ва кўрсатилган зарур тиббий ёрдамга қарамай, қизнинг ҳаётини сақлаб қолишнинг имкони бўлмаган.
Айни пайтда Ўзбекистон марҳуманинг жасадини ватанга олиб келишни ташкиллаштирмоқда. Репатриация 23 март куни "Истанбул - Андижон" рейси билан амалга оширилади.
Ҳодиса ҳақида ўтган ҳафта маълум бўлди. Қиз кўп қаватли уйнинг тўртинчи қавати деразасидан тушиб кетган. У Туркия фуқароси бўлган турмуш ўртоғи билан Туркияда яшаган, у билан расман рўйхатдан ўтмаган шаърий никоҳда бўлган. Иккаласи ҳам эшитиш ва нутқ нуқсонларига эга. Ҳолат юзасидан Туркия ҳуқуқ-тартибот идоралари томонидан жиноят иши қўзғатилган.
Изоҳлар мавжуд емас