Ўзбекистон, Тошкент - Batafsil.uz. Россиядаги конда тоғ массиви қулаши оқибатида ўзбекистонлик мигрант ҳалок бўлди. Ишчи вайроналар остида қолиб, олган жароҳатлари туфайли воқеа жойида вафот этган.
Фожиа Красноярск ўлкасининг жанубидаги Курагин туманидаги қимматбаҳо металлар қазиб олинадиган " Артемовский рудник" конида содир бўлган. Бахтсиз ҳодиса вақтида бу ерда 48 нафар ишчи штат режимида ишлаган.
Ўлка прокуратураси ишчининг ўлими юзасидан текширув ўтказмоқда. Дастлабки маълумотларга кўра, 30 ёшли ўзбекистонлик тоғ жинсларини кейинчалик шахтада мустаҳкамлаш учун бурғулаш ишларини олиб борган.
Бу Россиядаги объектларда ўлим билан тугаган ягона бахтсиз ҳодиса эмас. Масалан, Россиянинг Новосаратовка қишлоғидаги қурилишда ўзбекистонлик ишчининг бошига бир челак цемент тўкилганди. Шифокорлар эркакни қутқара олмади.
Аввалроқ, Санкт-Петербургнинг Москва туманидаги қурилиш майдончасида қолипларни демонтаж қилиш билан шуғулланган 24 ёшли ўзбекистонлик мигрант 3,5 метрдан ортиқ баландликдан қулаб, воқеа жойида вафот этганди.
Изоҳлар мавжуд емас