Ўзбекистон, Тошкент - Batafsil.uz. Каттақўрғон шаҳар суди мулкни ўзлаштириш ва қалбаки ҳужжатлардан фойдаланганликда айбланган тадбиркорларга оид овоза бўлган иш бўйича ҳукм чиқарди. Судланганлар орасида Самарқанд вилоятида таниқли тадбиркор, Т-Nuts ва Pichoqchi Dry Fruits компаниялари асосчиси Толибхон Абдужалилов ҳам бор.
Суд матбуот хизмати хабарига кўра, Абдижалилов Жиноят кодексининг 167-моддаси 3-қисми "а" банди (ўзлаштириш ёки растрата йўли билан талон-торож қилиш) ва 228-моддаси 2-қисми "б" банди (қалбаки ҳужжатлардан фойдаланиш) билан айбдор деб топилган. Суд уни олти йил-у бир ойга озодликдан маҳрум қилди.
Унинг бизнес шериклари - Абдумаликов (United Joy Group директори) ва Қўзибоев (arakasini Bersin Tomorqa Xizmati раҳбари) худди шу моддалар бўйича айбдор деб топилди. Уларнинг ҳар бири беш йил-у бир ойдан қамоқ жазосига ҳукм қилинди.
Толибхон Абдужалилов ёнғоқ ва қуритилган меваларни хорижга экспорт қилишни йўлга қўйган биринчи тадбиркорлардан бири сифатида вилоятда яхши танилган. Унинг "Pichoqchi Dry Fruits" корхонаси Туркия, Россия, Қозоғистон ва Европа давлатлари каби ўнлаб мамлакатларга маҳсулот жўнатган.
Унинг ташаббуси билан "Пичоқчи" маҳалласида логистика маркази ва ёнғоқ бозори қурилиб, ўнлаб маҳаллий аҳоли иш билан таъминланди. Абдужалиловнинг ўзи 1990 йилларда бизнесни Самарқанднинг Сиёб бозорида ёнғоқ сотишдан бошлаганини ва ўз қишлоғини машҳур қилишни орзу қилганини бир неча бор айтган.
Изоҳлар мавжуд емас