Ўзбекистон, Тошкент - Batafsil.uz. Самарқандда эркак ва аёл қариндошини ўлдирганликда гумон қилинмоқда. Маҳалла раислари икки нафар фуқаро аравачада жасад солинган қопни кўтариб кетаётганини кўриб, ички ишлар органларига мурожаат қилишган.
Mahalla телеканали эфирида маълум қилинишича, 24 август куни "Навбоғчиён" ва "Бўстон" маҳаллалари раислари ҳудудни айланиб чиқиш чоғида болалар аравачаси билан қабристон томон кетаётган эркак ва аёлни кўришган. Аравачада пластик идишлар билан бирга одам жасади солинган қоп қўйилганди.
Маҳалла раисининг сўзларига кўра, гумонланувчи жасад уйида вафот этган куёвига тегишли эканини тан олган ва шу сабабли уни ўзи дафн қилмоқчи бўлган.
Ички ишлар органлари ходимлари воқеа жойига етиб бориб, жиноятни фош қилишди. Тезкор-тергов гуруҳи зўраки ўлим аломатларини аниқлаган. Қотиллик сабаблари ва гумонланувчиларга нисбатан жазо чораси ҳозирча аниқлаштирилмаган. Қўлга олинганларга нисбатан Жиноят кодексининг 97-моддаси 1-қисми (Қасддан одам ўлдириш) билан жиноят иши қўзғатилган. Тергов олиб борилмоқда.
Ички ишлар вазирлиги ҳушёрлик ва ўз вақтида хабардорлик учун раисларни кўкрак нишонлари билан тақдирлади.
Изоҳлар мавжуд емас