Ўзбекистон, Тошкент — Batafsil.uz. Самарқанд шаҳрида 9 май куни содир бўлган фожиали портлаш иши бўйича суд жараёни якунланди. Ҳодиса натижасида бир оиладан етти киши ҳалок бўлган эди.
Суд шаҳарнинг “Худудгаз Самарқанд” филиалига қарашли шаҳар газ таъминоти бўлими раҳбари ва унинг уч нафар ходимини айбдор деб топди ва уларга етти йил муддатга озодликдан маҳрум қилиш жазоси тайинланди.
Эслатиб ўтамиз, портлаш Спитамен кўчасидаги турар жойлардан бирида рўй берган. Қутқарувчилар бутун тун давомида вайроналарни тозалаш ишларини олиб борган. Дастлаб олти нафарнинг жасади топилган бўлса, 10 май куни еттинчи ҳалок бўлган ҳақида маълум бўлди.
Тергов натижасида маълум бўлишича, хонадон эгалари бир неча бор газ хизматига ҳид келаётгани ҳақида шикоят қилган, аммо мурожаатлар жавобсиз қолган. Шунингдек, ўтган йилнинг сентябр–октябр ойларида ҳудудда тасдиқланмаган лойиҳа ва техник шартларсиз газлаштириш ишлари олиб борилгани аниқланган.
Ишчилар газ қувурини ҳеч қандай муҳофаза қопламасисиз ва рухсатсиз йўл остидан ўтказган. Қувурда еттита тешик пайдо бўлиб, газ канализация қудуқларига сингиб кетган ва бу оқибатда фожиа юз берган.
Суд қарорига кўра, айбдорлар уч йил муддатга раҳбарлик ва моддий жавобгарлик билан боғлиқ лавозимларда ишлаш ҳуқуқидан ҳам маҳрум этилди. Шунингдек, газ таъминоти корхонасидан жабрланувчилар фойдасига қарийб 6 миллиард сўм компенсация ундирилиши белгиланди.
Суд шаҳарнинг “Худудгаз Самарқанд” филиалига қарашли шаҳар газ таъминоти бўлими раҳбари ва унинг уч нафар ходимини айбдор деб топди ва уларга етти йил муддатга озодликдан маҳрум қилиш жазоси тайинланди.
Эслатиб ўтамиз, портлаш Спитамен кўчасидаги турар жойлардан бирида рўй берган. Қутқарувчилар бутун тун давомида вайроналарни тозалаш ишларини олиб борган. Дастлаб олти нафарнинг жасади топилган бўлса, 10 май куни еттинчи ҳалок бўлган ҳақида маълум бўлди.
Тергов натижасида маълум бўлишича, хонадон эгалари бир неча бор газ хизматига ҳид келаётгани ҳақида шикоят қилган, аммо мурожаатлар жавобсиз қолган. Шунингдек, ўтган йилнинг сентябр–октябр ойларида ҳудудда тасдиқланмаган лойиҳа ва техник шартларсиз газлаштириш ишлари олиб борилгани аниқланган.
Ишчилар газ қувурини ҳеч қандай муҳофаза қопламасисиз ва рухсатсиз йўл остидан ўтказган. Қувурда еттита тешик пайдо бўлиб, газ канализация қудуқларига сингиб кетган ва бу оқибатда фожиа юз берган.
Суд қарорига кўра, айбдорлар уч йил муддатга раҳбарлик ва моддий жавобгарлик билан боғлиқ лавозимларда ишлаш ҳуқуқидан ҳам маҳрум этилди. Шунингдек, газ таъминоти корхонасидан жабрланувчилар фойдасига қарийб 6 миллиард сўм компенсация ундирилиши белгиланди.
Ўзбекистон бўйлаб янгиликлар: Telegram-каналга уланинг
Изоҳлар мавжуд емас