Ўзбекистон, Тошкент - Batafsil.uz. Сирдарё вилоятидаги хусусий боғчалардан бирида текширувдан сўнг икки тарбиячи ишдан бўшатилди. Бунга ижтимоий тармоқларда тарқалган болага нисбатан зўравонлик ҳолати акс этган видео асос бўлган.
Видеода боланинг йиғлаётганини эшитиш мумкин, тарбиячи эса овозини баландлатиб, унга: "Кечиринг де, мана шу ерда қоласан", дейди. Бунга жавобан бола чорасизликдан кечирим сўрайди.
Вилоят мактаб ва мактабгача таълим бошқармаси ҳолатга изоҳ бериб, "Шодлик" болалар боғчаси тарбиячиси машғулот давомида қўпол иборалар ишлатиб, педагогик этика меъёрларини бузганини маълум қилди.
Текширув натижаларига кўра, икки тарбиячи ишдан бўшатилди.
Болалар омбудсмани идорасининг Batafsil.uz мухбирига маълум қилишича, ҳозирда ҳолат ички ишлар органлари томонидан ўрганилмоқда.
"Болаларга нисбатан шафқатсиз муносабатда бўлиш ҳолати Болалар омбудсмани томонидан назоратга олинган", - дейилади хабарда.
Изоҳлар мавжуд емас