Ўзбекистон, Тошкент - Batafsil.uz. Ҳуқуқ-тартибот идоралари ходимлари Тошкентга кетаётган автомобиль юкхонасидан 361 килограмм гўшт топди. Экспертиза унинг эшак гўшти эканлигини аниқлади.
"Миллар" дастурида маълум қилинишича, Қарши - Тошкент йўлида Lacetti автомобили тўхтатилган. Ҳайдовчи юк эгаси эмаслигини, фақат пойтахтдаги манзилига етказиб бераётганини маълум қилган. Лаборатория таҳлиллари Сирдарё ветеринария бошқармасида ўтказилган. Бошқарма гўштнинг келиб чиқишини очиқлаб берди.
Мазкур ҳолат юзасидан Сирдарё тумани ИИБ ҳузуридаги Тергов бўлими томонидан терговга қадар текширув ҳаракатлари олиб борилмоқда. Ноқонуний ташишнинг барча ҳолатлари ва схеманинг эҳтимолий иштирокчилари аниқланмоқда.
Аввалроқ Самарқанд вилоятининг Шурак қишлоғида яшовчи фуқаро ўз томорқасида кушхона қуриб, сўйилган мол гўштини сотгани ҳақида хабар берилганди. Каттақўрғон тумани аҳолиси каналлардан бирининг атрофидан ўнлаб эшак скелетларини топиб олганидан сўнг экологлар бонг урди.
Изоҳлар мавжуд емас