Ўзбекистон, Тошкент - Batafsil.uz. Туркиянинг Маниса вилояти Солиҳли туманида фоҳишахона ташкил этиш ва унга воситачилик қилишда гумонланган Ўзбекистон фуқароси қўлга олинди. Туман ички ишлар бўлимининг жамоат тартибини сақлаш гуруҳи томонидан ўтказилган тезкор рейд натижасида ноқонуний фаолиятга чек қўйилган.
Хабарларга кўра, тезкор тадбир давомида Кожачашма маҳалласидаги манзиллардан бирида 41 ёшли Ўзбекистон фуқароси 2 минг лира (тахминан 546 000 сўм) эвазига фоҳишалик фаолиятини ташкил қилгани аниқланган. Белгиланган манзилда ўтказилган рейд давомида Қирғизистон фуқаролари бўлган 35 ва 37 ёшли шахслар ҳам қўлга олинган.
Ички ишлар органларидаги текширувлардан сўнг, чет эл фуқароси бўлган аёллар депортация қилиш мақсадида махсус қайтариш марказига юборилган. Ташкилотчиликда айбланаётган Ўзбекистон фуқароси эса "фоҳишаликка воситачилик қилиш ва жой билан таъминлаш" айбловлари билан ҳибсга олиниб, қамоқхонага жўнатилган.
Эслатиб ўтамиз, Туркияда аввалроқ Измирда деразадан тушиб кетган 22 ёшли Ўзбекистон фуқароси вафот этганди. У оғир жароҳатлар билан шифохонада бўлган эди.
Ўзбекистон бўйлаб янгиликлар: Telegram-каналга уланинг
Изоҳлар мавжуд емас