Ўзбекистон, Тошкент - Batafsil.uz. Туркияга ўқиш баҳонасида олиб кетилиб, мажбурий никоҳ, жисмоний зўравонлик ҳамда мажбурий меҳнатга дучор этилган 17 ёшли Ўзбекистон фуқароси мамлакатга қайтарилди.
Ўзбекистоннинг Истанбул шаҳридаги Бош консулхонаси хабарига кўра, вояга етмаган ҳамюртимиз ёрдам сўраб мурожаат қилгач, унга адвокатлар жалб этилиб, зарур консуллик-ҳуқуқий ёрдам кўрсатилган.
Сўнг Миграция жамғармаси маблағлари ҳисобидан унинг Ватанга қайтилиши таъминланган.
Ҳозирда жабрланувчининг хавфсизлигини таъминлаш, унга ижтимоий-ҳуқуқий ва психологик ёрдам кўрсатиш масалалари тегишли давлат ташкилотлари томонидан назоратга олинган.
Аввалроқ Россияда оғир жароҳат олган ўзбекистонлик фуқаро ватанга қайтарилганди.
Изоҳлар мавжуд емас