Ўзбекистон, Тошкент - Batafsil.uz. Россия жанубида меҳнат фаолияти давомида оғир жароҳат олган Ўзбекистон фуқароси мамлакатимизнинг Ростов-на-Дону шаҳридаги Бош консулхонаси ҳамда Ташқи меҳнат миграцияси агентлиги ваколатхонаси ҳамкорлигида Ватанга қайтарилди.
Хабарларга кўра, бахтсиз ҳодиса оқибатида турли тан жароҳатлари олган ватандошимизга ҳудуддаги тиббиёт муассасасида зарур тиббий ёрдам кўрсатилгач, уни тиббий эвакуация қилиш чоралари кўрилган.
Фуқарони парвоз давомида назорат қилиш учун Ўзбекистондан икки нафар шифокор юборилган.
Барча ташкилий тадбирлар якунлангач, фуқаро тиббиёт ходимлари ҳамроҳлигида Mineralniye Vodi – Tashkent авиарейси орқали Тошкентга олиб келинган.
Олдинроқ Россия ва Қозоғистонда ота-она қарамоғисиз қолган 11 нафар ўзбек боласи Ватанга қайтарилганди.
Изоҳлар мавжуд емас