Ўзбекистон, Тошкент - Batafsil.uz. Ўзбекистон Ички ишлар вазирлиги тезкор қидирув департаменти ходимлари Самарқанд ва Истанбул шаҳарларида 5 йилдан буён одам савдоси билан шуғулланиб келаётган гуруҳ аъзоларини фош этди.
Тезкор тадбирлар давомида аниқланишича, 39 ёшли Самарқанд вилоятида туғилган аёл 2020 йилдан буён Истанбулдаги меҳмонхоналарни фоҳишалик билан шуғулланиш учун қизлар билан таъминлаб келган. Жиноий гуруҳ моддий қийинчиликка учраган аёлларни юқори маошли иш ваъдаси билан Туркияга алдаб олиб борган. У ерда жабрланувчиларнинг фуқаролик паспортлари олиб қўйилиб, мажбурий равишда фоҳишаликка жалб этилган.
Хусусан, унинг шериги 37 ёшли Самарқандда яшовчи шахс қийналган аёлларни топиш ва уларни Туркияга жўнатиш билан шуғулланган. Маҳаллий шерик Туркияга жўнатилган ҳар бир аёл учун гуруҳ етакчисидан 400 АҚШ доллари миқдорида пул олиб турган.
Тошкент халқаро аэропортида ўтказилган тадбир давомида Туркияга юборилаётган икки нафар аёл қутқариб қолинган.
Қўлга олинган шахсларга нисбатан Жиноят кодексининг 135-моддаси 2-қисми (одам савдоси) билан жиноят иши қўзғатилган.
Ҳозирда тергов ҳаракатлари давом эттирилмоқда.
Аввалроқ Тошкентда вояга етмаган қизни ушлаб, уни фоҳишаликка оғдирмоқчи бўлган аёл қўлга олинганди.
Изоҳлар мавжуд емас