Ўзбекистон, Тошкент - Batafsil.uz. Саудия Арабистонининг "Ал-Наср" клуби португалиялик ҳужумчиси Криштиану Роналду расман футбол тарихида бойлиги бир миллиард доллардан ошган биринчи футболчига айланди. 40 ёшли спортчининг бойлиги 1,4 миллиардга баҳоланмоқда.
Клуб билан янги шартнома шартларига кўра, Роналду яна тахминан 400 миллион доллар олади. Шу тариқа, унинг капитали илк бор дунёнинг энг бадавлат кишилари индексига кирди, футболчининг ўзи эса сайёрадаги энг кўп маош олувчи спортчи сифатида эътироф этилди, деб ёзади Bloomberg.
Футболдан тушган даромаддан ташқари, Роналду Nike, Armani ва Castrol каби йирик брендлар билан реклама шартномаларидан фаол даромад олади. Бундан ташқари, у меҳмонхоналар тармоғи, кийим-кечак линияси ва бошқа бизнес йўналишларини ўз ичига олган CR7 брендига эгалик қилади.
Эслатиб ўтамиз, Бразилиянинг Порту-Алегри шаҳрида 31 ёшли тадбиркор расман васиятнома ёзиб, машҳур футболчи Неймарни ягона меросхўр этиб тайинлаган эди. Тадбиркорнинг бойлиги тахминан 1 миллиард долларга баҳоланмоқда.
Изоҳлар мавжуд емас