Ўзбекистон, Тошкент - Batafsil.uz. АҚШ Давлат департаменти Green Card лотереясида рўйхатдан ўтиш учун 1 доллар миқдорида тўлов жорий қилди. Янги қоида 16 сентябрдан кучга кирди. Ютуқ учун виза йиғимининг ўзи ўзгаришсиз қолди.
Рўйхатдан ўтиш учун тўлов расмий веб-сайтда сўровнома тўлдирилган заҳоти амалга оширилади. Илгари дастурда иштирок этиш бепул эди, харажатларни фақат лотерея ғолиблари кўтарган, улар иммиграция визаси учун 330 доллар тўлаган.
АҚШ Давлат департаментида таъкидланишича, рўйхатдан ўтиш учун тўлов харажатларни адолатлироқ тақсимлаш имконини беради — яъни улар фақат кичик гуруҳ ғолибларга эмас, балки барча иштирокчилар зиммасига тенг тақсимланади.
Ҳисоб-китобларга кўра, янги тўлов йилига тахминан 25 миллион доллар даромад келтиради - ҳар йили ўртача 25 миллионга яқин ариза топширилади.
Изоҳлар мавжуд емас