Ўзбекистон, Тошкент - Batafsil.uz. Перу пойтахти Лима ва бир қатор шаҳарларда Z авлоди деб номланувчи ёшлар томонидан ташкил этилган оммавий норозилик намойишлари камида бир инсоннинг ҳалок бўлиши ва 100 дан ортиқ фуқаронинг жароҳат олишига сабаб бўлди.
Маълумотларга кўра, намойишчилар ҳукуматни коррупцияга қарши қатъий чоралар кўриш ва ижтимоий тенгсизликни камайтиришга чақирган. Улар президент Дина Болуарте истеъфосини талаб қилиб, йўлларни тўсиб қўйган ва полиция билан тўқнашувлар содир этган.
Ҳукумат эса намойишчиларни тартиббузарликда айблаб, полиция куч ишлатишга мажбур бўлганини билдирди. Вазирлар Маҳкамаси тинч йўл билан муаммоларни ҳал этишга чақирмоқда.
Таҳлилчилар фикрича, мазкур норозилик ҳаракатлари TikTok ва бошқа ижтимоий тармоқлар орқали кенг тарқалган бўлиб, ёшлар орасида коррупцияга нисбатан нафрат кайфиятининг кучайганини кўрсатмоқда.
Қайд этилишича, бундай сиёсий беқарорлик ва ёшлар норозилиги дунёдаги бошқа минтақаларда ҳам кузатилмоқда. Яқинда Мадагаскар президенти ҳам ҳарбий исён ва оммавий намойишлардан сўнг мамлакатни тарк этгани ҳақида хабар берилганди.
Изоҳлар мавжуд емас