Ўзбекистон, Тошкент - Batafsil.uz. Саудия Арабистонининг ACWA Power компанияси билан ҳамкорликда Сирдарё вилоятида қуввати 1500 мегаватт бўлган иссиқлик электр станцияси ишга туширилди.
Бундан ташқари, Тошкент вилоятида 200 мегаватт қуёш фотоэлектр станцияси, Бухоро вилоятида ҳар бири 500 мегаваттдан бўлган икки станция ҳамда Қорақалпоғистонда 100 мегаватт қувватли шамол электр станциялари фойдаланишга топширилди.
Энергетика вазири Журабек Мирзамахмудов сўзларига кўра, йил якунига қадар Паркент туманида йирик энергия сақлаш тизимини ишга тушириш режалаштирилмоқда.
ACWA Power билан ҳамкорлик доирасида кадр тайёрлаш масаласига ҳам катта эътибор берилмоқда. Сирдарё вилояти Ширин шаҳридаги энергетика коллежида янги таълим тизими жорий этилди: у ерда ўқувчиларга чет тили ўргатилади ва келажакда компаниянинг хорижий лойиҳаларида ишлаш имконияти яратилади.
Шунингдек, Саудия Арабистонининг Vision Invest ва АҚШнинг Air Products компаниялари билан экологик барқарор авиация ёқилғи ишлаб чиқариш бўйича келишувга эришилди.
Саудиянинг Pemco компанияси эса жорий йил охирига қадар Самарқанд вилоятида 200 мегаватт қувватга эга газ‑поршенли иссиқлик электр станцияси қурилишини бошлаши кутилмоқда.
Эслатиб ўтамиз, Саудиянинг йирик энергетика компанияси ACWA Power Ўзбекистонда 15 миллиард долларлик бир қатор стратегик лойиҳаларни амалга оширмоқда.
Изоҳлар мавжуд емас