Ўзбекистон, Тошкент - Batafsil.uz. Ўзбекистонда давлат органларининг хизмат автомобиллари хатловдан ўтказилади, белгиланган лимитлардан ошган транспорт воситалари сотувга қўйилади.
Президентнинг 27 декабрдаги "Давлат харидлари тизимида рақобат муҳити ва шаффофликни таъминлаш бўйича қўшимча чора-тадбирлар тўғрисида"ги фармонига кўра, Ҳисоб палатаси ва Давлат молиявий назорати инспекцияси Ички ишлар вазирлиги билан биргаликда уч ой муддатда давлат бошқаруви органлари ва маҳаллий ҳокимликлар тасарруфида бўлган хизмат автотранспорт воситаларини хатловдан ўтказади.
Текширув натижаларига кўра, меъёрдан ортиқ автомобиллар белгиланган тартибда сотилади. Амалга оширилган ишлар тўғрисидаги маълумотлар 2026 йил 1 июнга қадар Президент Администрациясига тақдим этилиши лозим.
Бундан ташқари, Ҳисоб палатаси ва Давлат молиявий назорати инспекцияси давлат буюртмачилари томонидан автотранспорт воситалари харид қилиниши устидан доимий назоратни таъминлайди.
Илгари фойдаланиб келинган хизмат автомашиналари "E-auksion" электрон савдо платформаси орқали босқичма-босқич савдога чиқарилмоқда.
Эслатиб ўтамиз, Ўзбекистон бош вазири Абдулла Арипов Президент Шавкат Мирзиёевнинг топшириғига мувофиқ хизмат Mercedes-Benz автомобилидан воз кечиб, маҳаллий Chevrolet Malibu автомобилига ўтган эди. Илгари фойдаланилган хизмат автомобиллари босқичма-босқич E-auksion платформаси орқали сотувга чиқарилган.
Изоҳлар мавжуд емас