Ўзбекистон, Тошкент - Batafsil.uz. 19 декабрь куни Тошкент вақти билан соат 10:39 да Афғонистоннинг Тахор вилоятида кучли зилзила содир бўлди. Унинг кучи Ўзбекистоннинг кўплаб вилоятларида, хусусан, Сурхондарёда юқори тебранишда сезилган. Эпицентрда зилзила 6 магнитудани ташкил этган.
ФВВ Сейсмопрогностик мониторинг республика маркази маълумотларига кўра, ер силкинишининг маркази Тошкентдан 551 километр жануби-шарқда жойлашган бўлиб, ўчоғи 105 километр чуқурликда қайд этилган.
Ўзбекистон ҳудудида сезилиш кучи қуйидагича:
-
Сурхондарё вилоятида: 4 балл (эпицентрдан 206 километр узоқда);
-
Қашқадарё ва Самарқанд вилоятларида: 3 балл;
-
Жиззах, Сирдарё, Фарғона, Навоий, Наманган, Андижон вилоятлари ва Тошкент шаҳрида: 2-3 балл атрофида.
Ҳозирча Ўзбекистон ҳудудида зилзила оқибатида жабрланганлар ёки биноларга шикаст етиш ҳолатлари бўйича маълумотлар келиб тушмаган.
Изоҳлар мавжуд емас