Ўзбекистон, Тошкент - Batafsil.uz. Аҳолини офлайн тарзда рўйхатга олиш фақат "маҳалла еттилиги" аъзолари томонидан ўтказилади. Уларни махсус бейжик орқали идентификация қилиш мумкин. Маълумотлар телефон ёки ижтимоий тармоқлар орқали сўралмайди, бунинг учун SMS-кодлар ёки пул маблағлари талаб қилинмайди.
Тадбирга тайёргарлик кўриш ва эҳтиёт чоралари ҳақида аҳолини рўйхатга олишнинг расмий Telegram каналида маълум қилинди. У ерда ўзбекистонликлардан шахсий маълумотларини фирибгарларга бермаслик сўралган.
Офлайн рўйхатдан ўтишда "маҳалла еттилиги" аъзолари фуқароларнинг маълумотларини махсус ишлаб чиқилган census.stat.uz ягона платформаси орқали ҳимояланган маълумотлар базасига юборади. Қайд этилишича, шахсий маълумотларнинг махфийлиги қонун билан кафолатланган - улар учинчи шахсларга берилмайди.
Эслатиб ўтамиз, аҳолини рўйхатга олиш икки босқичда ўтказилади. 15-31 январь кунлари Ягона платформа орқали OneID билан онлайн рўйхатдан ўтиш мумкин. Ўзбекистонликлар маълум муддат ичида анкетани тўлдиришлари имкониятига эга бўладилар. 4-28 февраль кунлари "маҳалла еттилиги" аъзолари уйма-уй юриб, планшетлар ёрдамида респондентларни рўйхатга олади.
Сурат сунъий интеллект томонидан ҳосил қилинган
Изоҳлар мавжуд емас