Ўзбекистон, Тошкент - Batafsil.uz. 2025 йилнинг 28 декабрь куни ишлаш мақсадида Туркияга келган 32 ёшли Эргашалиева Сайёра Баҳромжон қизи жорий йилнинг 23 январидан буён оиласи билан алоқага чиқмаган. Қизидан қарийб уч ҳафтадан бери хабар ололмаётган ота-она вазиятга ойдинлик киритиш ва қидирув ишларида бевосита иштирок этиш учун Туркияга учиб келди. У охирги маротаба Дурдона Ҳакимова ўлдирилган кундан бир кун олдин ота-онаси билан телефон орқали мулоқот қилган.
Мазкур ҳолат Истанбулнинг Шишли туманида содир бўлган даҳшатли жиноят фонида янги вазиятни юзага келтирмоқда. Эслатиб ўтамиз, 24 январь куни чиқинди контейнеридан бўлакларга ажратилган инсон танаси топилган ва ўтказилган текширувлар натижасида ушбу қалдиқлар Ўзбекистон фуқароси Дурдона Ҳакимовага тегишли экани аниқланган эди.
Тергов жараёнида қотиллик содир этилган кеча айнан ўша хонадонда Сайёра Эргашалиева ҳам бўлгани маълум бўлган. Гувоҳларнинг таъкидлашича, Сайёра ўша кеча дугонасига видеоқўнғироқ қилиб, "Уйда ўзбек палови еяпмиз", дея хабар берган, бироқ шундан сўнг у билан алоқа бутунлай узилган.
Ҳозирда Туркия полицияси иккинчи қотиллик эҳтимолини жиддий кўриб чиқмоқда ва шу сабабли жиноят содир этилган уйда қайта криминалистик текширувлар бошланган.
Айни вақтда қизидан қарийб уч ҳафтадан бери хабар ололмаётган ота-она вазиятга ойдинлик киритиш ва қидирув ишларида бевосита иштирок этиш учун Туркияга учиб келган.
Шу сабабли воқеа жойида топилган қон намуналари билан солиштириш учун улардан ДНК тестлари олинган.
Шунингдек, Д.Ҳакимованинг ўлимида гумонланиб, Грузияга қочишга уринган вақтида аэропортда қўлга олинган 31 ёшли ва 29 ёшли фуқароларга нисбатан қўшимча сўроқ жараёнлари бошланган.
Қайд этилишича, 29 ёшли гумонланувчи Сайёранинг йигити бўлган ва улар бир уйда яшаб келишган. Улар бир-бирини танишган.
Сайёранинг изтиробда қолган оиласи Туркиядаги Ўзбек аёллари ҳуқуқларини ҳимоя қилиш уюшмасига мурожаат қилган. Уюшма раҳбари Озода Исломова ва адвокатлар жамоаси ушбу ишни ўз назоратига олиб, ҳуқуқий ҳимоя ишларини бошлаган.
Ташқи ишлар вазирлиги ва Истанбулдаги Бош консулхона билан келишилган ҳолда қидирув ишлари давом эттирилмоқда. Оила аъзолари Сайёранинг қаердалиги ёки ҳолати ҳақида бирор маълумотга эга бўлганлардан зудлик билан яқин орадаги ҳуқуқ-тартибот идораларига хабар беришларини сўрамоқда.
Изоҳлар мавжуд емас