Ўзбекистон, Тошкент - Batafsil.uz. Европа Иттифоқи Ўзбекистонда мамлакат тарихидаги биринчи Мигрантлар учун ресурс марказини очди. Унинг вазифаси фуқароларни ноқонуний миграция хавфи ва одам савдоси таҳдидлари ҳақида хабардор қилиш, шунингдек, хорижда хавфсиз ишга жойлашиш имкониятларини кенгайтиришдан иборат. Бу Марказий Осиёдаги учинчи шундай муассаса: аввалроқ бундай марказлар Душанбе ва Ўшда пайдо бўлган эди.
Марказ Ўзбекистон Вазирлар Маҳкамаси ҳузуридаги Миграция агентлиги ва Миграция сиёсатини ривожлантириш халқаро маркази кўмагида очилган. У потенциал мигрантлар, қайтиб келган фуқаролар ва уларнинг оилаларига ишончли, арзон ва долзарб ёрдам кўрсатади.
Бу ерда Ўзбекистон фуқароларига қонуний миграция каналлари ва хорижда ишга жойлашиш имкониятлари ҳақида сессиялар ўтказилади, ноқонуний миграция, одам савдоси ва эксплуатация хавфи ҳақида сўзлаб берилади, кетаётган ва қайтаётган мигрантлар учун маслаҳатлар берилади.
Марказ тўлиқ ишга туширилгач, Ўзбекистоннинг барча ҳудудларида ўз фаолиятини кенгайтиради.
Эслатиб ўтамиз, 1 сентябрдан бошлаб Ўзбекистон ва постсовет ҳудудидаги бошқа мамлакатлардан Москва ва Москва вилоятига ишлаш учун келган муҳожирлар мажбурий тартибда "Амин" махсус мобил иловасини ўрнатишлари керак бўлади. У расмийларга чет эл фуқароларининг геолокатсиясини кузатишга ёрдам беради ва амалдаги миграция ҳисоби тартибини алмаштиради.
Изоҳлар мавжуд емас