Ўзбекистон, Тошкент - Batafsil.uz. 1 сентябрдан бошлаб Ўзбекистон, Тожикистон, Қирғизистон, Арманистон, Қозоғистон, Грузия, Озарбайжон, Молдова ва Украинадан Москва шаҳри ва Москва вилоятига ишлаш учун борган мигрантлар мажбурий тартибда махсус “Амина” мобил иловасини ўрнатишлари керак бўлади. У ҳукуматга чет эл фуқароларининг геолокатсиясини кузатишга ёрдам беради ва амалдаги миграция ҳисоби тартибини алмаштиради.
Кўп функцияли миграция маркази (КММ) маълумотларига кўра, "Амина"ни мигрантнинг ўзи ўрнатиши керак. Авторизатсия учун амалдаги чет эл фуқароси картаси зарур. Уни КММда расмийлаштириш мумкин. Агар мигрант дастурда авторизацсияни йўқотса, уни паспорт маълумотлари бўйича қайта тиклаш мумкин бўлади.
Мобил илова геолокация ҳақидаги маълумотларни автоматик равишда Россия Ички ишлар вазирлигига узатади. Агар у бир неча кун давомида маълумотлар узатилмаганлигини қайд этса, чет эл фуқаросига манзилни тасдиқлаш ёки унинг ўзгариши тўғрисида хабардор қилиш зарурлиги тўғрисида хабарнома келади. Бунинг учун ички ишлар идоралари ёки КММга бориш шарт эмас.
Абонент қурилмасининг геолокацияси тўғрисидаги маълумотлар охирги мониторинг ўтказилган санадан бошлаб уч иш кунидан ортиқ бўлмаса, мигрант КММ манзили бўйича ҳисобдан чиқарилади.
Ҳисобга олиш шартларига риоя қилмаслик чет эл фуқаросининг рўйхатга олиниши бекор қилинишига олиб келиши, шунингдек у Назорат қилинадиган шахслар реестрига киритилиши мумкин.
Келажакда иловада патент учун тўловни амалга ошириш, КММга ташриф буюришга ёзилиш ва бошқа хизматлардан фойдаланиш мумкин бўлади.
Тажриба бошланишидан олдин илованинг функционаллигини олдиндан ўрганиш учун уни аллақачон синаб кўриш мумкин.
Изоҳлар мавжуд емас