Ўзбекистон, Тошкент - Batafsil.uz. Олий Мажлис Сенатининг ўн тўртинчи ялпи мажлисида Ўзбекистон Республикаси Президентининг тақдимномасига биноан Умид Шодиевни Бирлашган Араб Амирликларидаги Фавқулодда ва Мухтор элчиси лавозимига тайинлаш масаласи кўриб чиқилди ва маъқулланди.
Сенаторларнинг таъкидлашича, ушбу тайинлов Ўзбекистон ва БАА ўртасидаги ўзаро ишончга асосланган муносабатларни янада мустаҳкамлашда муҳим аҳамият касб этади. Янги элчи олдига икки мамлакат ўртасидаги савдо-иқтисодий, инвестициявий, инновацион ва туристик соҳалардаги амалий ҳамкорлик имкониятларини кенгайтириш вазифаси қўйилган.
Номзод ташқи сиёсат соҳасида чуқур билим ва амалий кўникмаларга эга эканлиги алоҳида қайд этилган. Умид Шодиев халқаро майдонда мамлакатнинг миллий манфаатларини муносиб ва самарали илгари суриш учун етарли салоҳиятга эга мутахассис сифатида эътироф этилган.
Муҳокамалар якунида Сенат аъзолари бир овоздан Умид Шодиевни Ўзбекистоннинг БААдаги элчиси этиб тайинлаш тўғрисида қарор қабул қилдганлар.
Бундан ташқари Қатарда янги "Ўзбек маданияти элчиси" тайинланди. Дунё миқёсида ўзбек маданияти ва санъатини кенг тарғиб этиш мақсадида таъсис этилган "Ўзбек маданияти элчиси" мақоми навбатдаги соҳибига топширилган. Қатарда бўлиб ўтган маданий тадбир доирасида Qatar Cultural Village (Katara) жамғармаси бош директори Халид Иброҳим Ал-Сулаити ушбу фахрий унвонга муносиб кўрилган.
Изоҳлар мавжуд емас