Ўзбекистон, Тошкент - Batafsil.uz. Ижтимоий тармоқларда Андижонда вилоят суди судьясининг амалдаги ёрдамчиси пора олаётган вақтда қўлга олингани ҳақида хабарлар тарқалди. Бироқ Олий суд матбуот хизмати бу маълумот ҳақиқатга тўғри келмаслигини маълум қилди.
Маълум қилинишича, 8 сентябрь куни ҳуқуқни муҳофаза қилувчи органлар томонидан тезкор тадбир ўтказилиб, судьянинг собиқ катта ёрдамчиси қўлга олинган. У пул маблағларини олаётганда жиноят устида қўлга олинган.
Ушбу ходим билан меҳнат шартномаси аввалроқ бекор қилинган, ҳибсга олинган вақтда эса адвокатлик лицензиясига эга бўлган.
Ҳозирда унга нисбатан жиноят иши қўзғатилиб, тергов ҳаракатлари олиб борилмоқда.
Расмийлар ОАВ ва фойдаланувчиларни одамларни чалғитиши мумкин бўлган текширилмаган маълумотларни тарқатмасликка чақирди.
Изоҳлар мавжуд емас