Ўзбекистон, Тошкент - Batafsil.uz. Самарқанд шаҳридаги хусусий клиникалардан бирида навбат талашган ота невролог шифокорга тан жароҳати етказгани ҳақида хабар берган эдик. Ҳозирда ҳолат юзасидан ички ишлар органлари текширув ўтказмоқда.
7 февраль куни Самарқанд шаҳрининг "Оқсарой" маҳалласида жойлашган хусусий тиббиёт масканида ушбу ҳолат кузатилган. 40 ёшли шифокорнинг 112 рақамига қилган мурожаатига асосан ҳуқуқ-тартибот идоралари суриштирув ишларини бошлаган.
Аниқланишича, 33 ёшли фуқаро фарзандини кўрикдан ўтказиш учун клиникага олиб келган ва навбатсиз киришга уринган. Шифокор навбатда бошқа беморлар, жумладан уч фарзанди билан келган аёл борлигини айтиб, уни тартиб билан киришга чақирган.
Навбат кутишни истамаган фуқаро шифокор билан жанжаллашиб, унинг бош қисмига қўллари билан уриб, жароҳат етказган.
Самарқанд вилояти ИИБ Ахборот хизматининг хабар беришича, жабрланувчининг олган тан жароҳатлари оғирлик даражасини аниқлаш мақсадида судга оид тиббий экспертиза тайинланган.
Ҳозирда Самарқанд шаҳри бўйича мутасадди органлар томонидан терговга қадар текширув ҳаракатлари давом эттирилмоқда.
Изоҳлар мавжуд емас