Ўзбекистон, Тошкент - Batafsil.uz. Тошкент шаҳридаги тадбиркорлардан бирининг ишини "яхшилаб қўйиш" баҳонасида 10 миллион сўм талаб қилган Олмазор тумани Солиқ инспекциясининг иккита бош инспектори қўлга олинган. Улар оилавий корхонани "солиқни кам тўлаш"да айблаб, жарима қўлламаслик учун пора талаб қилишган.
Олмазор туманидаги эшик ва ром ишлаб чиқарувчи оилавий корхона текширувга учраганда, инспекторларнинг ноқонуний талаби юзага чиққан.
Солиқчилар корхона ҳар ойда кам миқдорда солиқ тўлаганлигини иддао қилиб, жарималардан "қутқариш" эвазига 10 миллион сўм хизмат ҳақи белгилашган.
Солиқ инспекторлари сўралган пулни олган вақтларидаёқ тезкор гуруҳ томонидан ушланган.
Ҳозирда икки амалдорга нисбатан Жиноят Кодексининг 210-моддаси (Пора олиш) бўйича жиноят иши қўзғатилиб, уларга қамоқ эҳтиёт чораси қўлланилган.
Тергов ҳаракатлари давом этмоқда.
Эслатиб ўтамиз, Фарғона ва Наманганда ўтказилган тезкор тадбирлари давомида ҳокимлик тизимидаги мансабдорларнинг фирибгарлик ва порахўрликка оид ноқонуний амалларига чек қўйилганди. Улар талаб қилган пора суммаси жами 30 000 доллардан ошган.
Изоҳлар мавжуд емас