Ўзбекистон, Тошкент - Batafsil.uz. Тошкентда Акмал Шукуровнинг озодликка чиқарилиши ҳақидаги шов-шувли қарордан сўнг шаҳар судининг бирданига уч нафар судьяси ишдан бўшатилди. Судьялар олий кенгаши қонунни қўпол равишда бузган Муҳтарама Турғунова, Одилбек Илҳомжонов ва Мирзиёд Обидовнинг ваколатларини муддатидан олдин тугатди.
Гап The Tower Hotel меҳмонхонасида одамни ваҳшийларча калтаклагани ва фирибгарлик учун судланган (муштлашувдан кейин жабрланувчи комага тушиб қолган) Акмал Шукуровнинг шов-шувли иши ҳақида кетмоқда.
Дастлаб, биринчи инстанция суди уни 8 йилга колонияга ҳукм қилган, бироқ 9 декабрь куни айнан шу таркибдаги апелляция суди судьялари қамоқ жазосини озодликни чеклаш жазосига алмаштирган. Шукуровни тўғридан-тўғри суд залидан чиқариб юборишди, бу эса жамоатчиликнинг норозилигига сабаб бўлди.
Эслатиб ўтамиз, биринчи инстанция суди Шукуровни фирибгарлик ва безорилик моддалари бўйича 8 йил 1 ойга озодликдан маҳрум қилганди. Бироқ, апелляция инстанцияси суди айбига қисман иқрорлик, пушаймонлик, судланмаганлик, етказилган зарарни қоплаш ва жабрланувчиларнинг даъвоси йўқлигини инобатга олган. Натижада жазо 4 йил-у 1 ой муддатга озодликни чеклаш жазосига алмаштирилди. Қамоқда ўтказилган 263 кун ҳисобга олиниб, Шукуров тўғридан-тўғри суд залидан озод қилинди.
Охир-оқибат, прокуратура протестидан сўнг қарор нотўғри деб топилди ва 18 декабрь куни Шукуров яна 6 йилга озодликдан маҳрум этилди.
Резонанс ҳужум 16 мартга ўтар кечаси содир бўлган. Тергов маълумотларига кўра, Авакян танишини тажовузкор эркакдан ҳимоя қилишга уринган ва бошидан оғир жароҳат олган. У комага тушиб қолди ва фақат апрель ойининг бошида ундан чиқди.
Тошкент шаҳар ИИББ жанжални қўзғатган 30 ёшли Акмал Шукуров хорижда яширинишга урингани, бироқ Қозоғистонда қўлга олингани ҳақида хабар берди. Унга нисбатан Жиноят кодексининг 277-моддаси ("Безорилик") ва 104-моддаси ("Қасддан баданга оғир шикаст етказиш") билан айб эълон қилинган.
Аввалроқ, 2022 йилда у қаҳвахонадаги жанжал учун жавобгарликка тортилган, бироқ ўшанда иш томонларнинг ярашуви муносабати билан тўхтатилган.
Изоҳлар мавжуд емас