Ўзбекистон, Тошкент - Batafsil.uz. Тошкентдаги хусусий клиникада ринопластика вақтида тўққиз ёшли бола вафот этди. Операциядан бир ҳафта олдин у тиббий кўрикдан ўтган ва жарроҳлик амалиётига рухсат берилган. Бироқ 25 август куни ўтказилган ринопластикадан сўнг у операция хонасидан тирик чиқмаган.
Тошкент прокуратурасининг Batafsil.uz мухбирига маълум қилишича, ҳодиса факти тасдиқланиб, терговга қадар текширув бошланган.
Ҳолат юзасидан Мирзо Улуғбек тумани прокуратураси томонидан зарур ҳаракатлар олиб борилмоқда. Қайд этилишича, текширув ҳар томонлама, тўлиқ ва холис ўтказилиб, натижаси бўйича қонуний қарор қабул қилинади.
Эслатиб ўтамиз, блогер Фарҳод Манноповни операция қилган жарроҳ оқланганди. Суд беморнинг ўлимига анестезиологнинг эътиборсизлиги сабаб бўлганини аниқлади, у операция пайтида чалғиб, аҳволининг кескин ёмонлашганини пайқамаган.
Изоҳлар мавжуд емас