Ўзбекистон, Тошкент - Batafsil.uz. АҚШ президенти Дональд Трамп маъмурияти ва Украина раҳбарияти можарони ҳал қилиш бўйича тинчлик режасини келишиб олган. Энди Вашингтон Россия раҳбариятининг муносабатини кутмоқда. Бу ҳақда мухбиримиз хабар бермоқда.
"Трамп режасининг деярли барча жиҳатлари бўйича Украина билан келишувга эришиб, Оқ уй Москвадан аниқ жавоб олмоқчи," - деб ёзади Американинг Axios портали ўз манбаларига таяниб.
Нашрнинг аниқлик киритишича, Трамп вакиллари Стив Уиткофф ва Жаред Кушнер Парижда Россия тўғридан-тўғри инвестициялар жамғармаси раҳбари Кирилл Дмитриев билан учрашган. Нашр маълумотларига кўра, музокараларнинг асосий мавзулари хавфсизлик кафолатлари ва эҳтимолий ҳудудий келишувлар бўлган.
Декабрь охирида Трамп Флоридадаги Мар-а-Лаго қароргоҳида украиналик ҳамкасби Владимир Зеленскийни қабул қилганди. Музокаралар якунида томонлар сезиларли ютуқларга эришилганини маълум қилди, бироқ асосий ҳудудлар, жумладан Донбасс масаласи ҳамон очиқлигича қолмоқда.
Изоҳлар мавжуд емас